脫離隱蔽生活...

終於都可以脫離隱蔽既生活啦!!! 下個星期終於都有d野做下啦~~ 呢個星期實在太悶啦!! 大大舊又要返工唔得閒陪我... 就連夜晚都唔得閒上黎我屋企食飯... 實在係太悶啦!!!

下個星期一至五返補習社, 做補習miss, 教d小學生~~ 星期六日就0係泳池返工, 不過梗係唔係做救生員啦!!我都唔識游水~~haha!!! 我既生活終於可以充實少少啦!!! 遲d搞埋論文答辯就係時候搵份長工啦!! 希望順順利利啦~~

仲有~呢排d機票好平!!!! 搞到我心郁郁好想去旅行呀!!!!!

~郊遊~

清明節的一大清早就出發去新界一日遊!! 但係並唔係去掃墓，而係去摘士多啤梨~~ 仲去左睇爬蟲館、睇牛牛、睇薰衣草~!~!

行程咁豐富，當然要一早出發啦~ 不過真係成個月都未試過咁早起身... 搞到個頭痛左成日... 仲要一早就見到好多珍禽異獸!!! 全部都好恐怖!!! 有好多蛇、變色龍、蜥蝪、龜... 恐怖到我都唔敢影低佢地，我驚我之後睇番d相都會嚇親!!!

下午去睇牛牛，原來d乳牛好大隻!!! 差唔多有我咁高!! 真係全身都黑白色~ 不過好臭!!! 又好多烏蠅!!! 之後就去士多啤梨園~~ 一入到去已經聞到好香~~ 不過要摘就有d困難!! 因為好多都唔係好靚... 有d仲發晒霉tim... 好難揀得落手... 仲要好貴tim!!! $40一磅... 同日本d士多啤梨一樣咁貴... 誇張... 又唔係特別好食... 仲要好快爛...

跟住仲去左薰衣草園~ 0係d薰衣草中間影相~~ 雖然唔係好大片薰衣草，但係都影到0個個效果~~ 哈哈!! 仲影到個俾支莖拮住對腳既小王子被困於薰衣草園~~ 哈哈!! 影到我地成身出晒汗~~~

回程既時候因為個頭太痛，由一上車已經開始訓，訓到落車.... 但係中途竟然俾個導遊嘈醒左.... 佢居然0係架旅遊巴度唱歌!!!! 我真係俾佢嚇醒!! 好彩兩秒之後我已經訓番... 哈哈~~

多d同d中學同學出去玩真係好~~ 唔使0係屋企咁悶!!! 快d約定時間下次去釣墨魚啦!!!

支持~~陳曉東!!!

十一年啦... 做左陳曉東既fans十一年啦!! 我對你的愛係唔會停止架!!!! 雖然咁樣講會引起男朋友的不滿... 但係應該明白對偶像的愛，同對男朋友的愛係不同的!!

陳曉東就黎出碟啦~ 仲要廣東碟&國語碟一齊出tim ar~~ super興奮呀!!! 現在已經有兩首派台歌啦~~ (1) 易來易碎 http://www.youtube.com/watch?v=RT9K1FvkUkk&feature=related，(2) 愛情第二---合唱歌黎架，雖然唔及以前d歌咁好聽，不過因為好耐冇聽過佢唱歌~ 係一個新的開始~~

陳曉東真係愈來愈靚仔!!!!!!! 又man又大隻!!!!!!!! 唱歌仲超級好聽!!!!!!!!! 不枉我等佢咁多年~~ 等到佢出番黎唱歌~~~~

今日睇佢上年的mini concert，聽番 "猜猜猜" 真係好好聽!!!! http://www.youtube.com/watch?v=vs12RPShSLk&feature=related

陳曉東再一次番黎香港的樂壇，我希望可以得到大家的支持!! 你唔聽佢既歌、唔欣賞佢既表演，唔緊要!! 但係唔好踩佢、唔好講佢壞話，已經係好好的支持!!!

一年零九個月

一年零九個月係咪一個好長既日子呢??

如果以我既人生黎睇, 應該就唔算好長!!! 但係如果以我拍拖既時間黎講, 應該就算係一個長時間!!! 我從來都未試過同一個人拍拖可以last到咁耐!!! 可能係我以前太衰啦... 不過今次應該可以同大大舊一齊走更長既路~~  希望我唔會激走你啦!!!

又紅又大又甜~~士多啤梨~~